Námskeið í ilmvatnsgerð

Við kynnum nú nýtt námskeið í ilmvatnsgerð úr íslenskum náttúruefnum. Námskeiðið hentar byrjendum og fer fram í litlum hópi í Hafnar.haus í miðborg Reykjavíkur. Þar kynnist þú íslenskum jurtum, jurtaveigum sem við höfum útbúið úr hráefnum úr nærumhverfinu og grunnatriðum ilmvatnsgerðar. Að því loknu blandar þú þitt eigið náttúrulega ilmvatn til að taka með heim.

Námskeið eru í boði á völdum dagsetningum og takmörkuð við 12 þátttakendur svo hver og einn fái persónulega leiðsögn og svigrúm til að njóta upplifunarinnar.