Skógarbotn nr. 16

Ilmnótur:

Elemi Heart
Sedrusviður
Amber
Þurrt þinbarr
Vetiver

 Lýsing:

Nýjasti ilmurinn okkar er loksins kominn í vefverslunina og fæst nú til sölu! Hann varð til sama kvöld og „Skógurinn 17“, en það tók tvö ár í viðbót að fullmóta hann. Síðastliðið haust fannst loks síðasta ilmnótan og var bætt við.

„Skógarbotn 16“ er annar ilmurinn í línu okkar af íslenskum skógarilmum þar sem viðartónar eru í aðalhlutverki og skipar nú verðugan sess við hlið nr. 17. Þetta er fallegur og hlýr ilmur sem opnar með eleminótum sem minna á ferska furukvoðu. Síðan tekur við sætur ilmur af þurrum skógarbotni að sumarlagi, þar sem sedrusviður liggur til þerris á brúnleitu þinbarri. Öðru hverju berst keimur af amber með hægum andvaranum.